Туганайлар

Николай Дунаев хатирәләре

Артистлык каян килә дигәндә, каннан, урысча әйтсәк, геннардыр, мөгаен. Безнең керәшен халкы җырга, уенга оста

Безнең Әхмәт авылында мәчет тә, чиркәү дә бар иде. Чиркәү, агач булуы аркасында, череп ишелде, ә таш мәчетне яңарттылар. Авылның яртысы – керәшен, яртысы – татар. Ярдәмләшеп, кунакка йөрешеп яшәделәр.

***

Артистлык каян килә дигәндә, каннан, урысча әйтсәк, геннардыр, мөгаен. Безнең керәшен халкы җырга, уенга оста. Бездә рәт эчү дип йөртелә торган йола бар. Берничә гаилә берләшәләр дә көннәр буена берсеннән-берсенә “рәт эчеп” йөриләр. Бүген Метридә булса, иртәгә Иванда, аннан Микулайда... Озакка сузыла. Атна буена эчеп ничек юкка чыгып бетмиләрме? Юк, чөнки рәт эчү ул театрлаштырылган бер бәйрәм: бер тустаганны түгәрәк буенча йөртеп, кеше саен дүрт-бишәр җыр җырлап бирәләр. Тустаган түгәрәкне әйләнеп чыкканчы төш җитә (әгәр иртәдән үк утырсаң). Эчү үзе түгел, ә аралашу, җырлашу мөһимрәк. Әул бәйрәмнәрдә әни башлап җырлаучы була торганые. Апасы, сеңлесе белән өчәр тавышка да җырлыйлар иде.

Аннары безнең якның уеннары. Күрше авыллардагы яшьләр – Җәйләүләр, Бордылар, Бишавыллар килә иде кичке уеннарга. Һәр авылның үз көе була торганые.

Керәшеннәр совет бәйрәмен дә бәйрәм иттеләр, үз дини бәйрәмнәребезне дә ким-хур куймадылар. Әле тагын мәҗүсилектән үк калган бәйрәмнәр дә бар идею Мәсәлән, симет бәйрәме. Аны бездә Бишавыл (Түбән Биш) бәйрәме дип йөртәләр. Ул Троицынга, ягъни җапрак бәйрәменә туры килә – капкаларны яфраклар белән бизиләр, һәм авыл үзе бер бәйрәмне яратарак төшә: Мәләкәсләр – Питрауны, Әхмәтләр – Элҗенне (Ильин көн).

***

Арчак заманда үскәнгәме, бүтән сәбәптәнме – мин Пыкрау бәйрәмен (Покров) сагынып искә алам. Бу бәйрәмгә пыкрау тәкәсе суела иде. Әни берьюлы дүрт төрле бөккән (бездә аны тәкә диләр) пешерә: чөгендер кушылган киндер орлыгыннан, тары белән кабактан, ит белән эчәгедән, ә берсен иттән генә. Иң тәмле бәйрәм булып истә калган ул.

“Язмышым – театр” китабыннан

 

Керәшен дөньясындагы яңалыкларны ВКонтакте, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: