Туганайлар

Вадим Захаров: “Кайчак популярлыгым булышып та куя”

Әгәр җырчы булмаса, Вадим ЗАХАРОВтан берәр эшмәкәр чыгар иде кебек. Дуслары белән пластик тәрәзә ясау цехы да ачып карады ул, фермерлыкта да актив катнаша, яңа эшләргә алынырга куркып тормый

— Казан тирәсендә тракторда да эшләдең бит?
— Быел түгел ул. Җәен концертлар әллә ни юк, шуңа авылдан тракторны алып килеп, төзелештә ялланып эшләдем. Акчасын түләделәр, әмма азактан тулысынча биреп бетермәделәр. Эштән куркып торганым юк.

— Нидән куркасың?
— Биеклектән. 16 нчы катта яшибез. Балконнан аска карарга куркыта хәтта.

— Алдыйлармы сине?
— Хәзер бераз каешландым, әмма барыбер, күңелем шундый булгач, бик тиз ышанам.

— Популяр булуыңнан файдаланырга туры килгәне бармы?
— Яшерен-батырын түгел, бар. Кайчак тормышта ниндидер проблемалар килеп чыкканда, танышлар аша хәл иткән булды. Ул яктан популярлык ярдәм итә.

— Күңелеңә бик үк ятып бетмәгән теманы да кузгатып алыйк әле?
— Ябыгу темасы мине ялыктырды... Күңелемә ярамый. “Бөтен артист та ябык була алмый. Сәхнәдә матур кеше дә кирәк бит”, — дип шаяртып җавап кайтарам кайберләренә. Формам шундый. Нәрсә эшләп карасам да, ябыгып булмый.

— Тамашачыларга теләкләрең?
— Тормыштан канәгать булып, авырмыйча, якыннарны югалтмыйча яшәсәк иде. Канәгать кеше — бәхетле кеше, ди бит.

Лилия ЙОСЫПОВА, Чыганак

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: