Туганайлар

"Покрау" фольклор ансамбле турында кызыклы фактлар

Я. Емельянов исемендәге мәдәни үзәктә Мамадыш керәшеннәре айлыгы бара

Мамадыш районының Колышчы авылы “Покрау” фольклор ансамбле 2017 елда оеша. Ансамбльнең җитәкчесе - Колышчы мәдәният йорты директоры Трушова Нина Николаевна. Ансамбльгә 30 яшьтән 66 яшькәчә 8 кеше йөри: Апушева Л.Б., Трушова Н.Н., Кузнецова Л.П., Солганова Р.Б.,Чебышева Г.Г., Чебышев В.Б., Усачева Р.И., Усачев Б.П.

Ансамбль керәшеннәрнең милли мәдәниятен торгызу буенча актив эш алып бара: халык җырларын өйрәнәләр, халык йолаларын яңарту һәм кую белән шөгыльләнәләр. “Покрау” фольклор ансамбленең төп максаты - фольклор әсәрләрнең башкару осталыгын үстерү. Мәдәният йортында бер генә концерт та коллективның җыр-биюләреннән башка узмый. Ансамбльнең чыгышлары һәрвакыт ачык һәм истә кала торган. Тыңлаучыларны артистлык, хатын-кыз тавышларының чисталыгы һәм спектакльләрнең оригинальлеге сокландыра. "Покрау" ансамбле барлык район һәм күп кенә республика чараларында катнаша. Якын-тирә районнар һәм Республика белән тыгыз элемтәдә эшли.

“Покрау” ансамбленең репертуары керәшен халык җырларыннан тора. Халык хореографиясе элементларын һәм халык инструментларын файдаланып, коллектив керәшеннәрнең йола-гадәтләрен өйрәнә. Коллектив “Мамадыш йолдызлар кабыза”, “Авыл йолдызы” фестиваль-конкурсларында, Рождество бәйрәмендә һәм район күләмендә үткәрелгән төрле чараларда актив катнаша. Шулай ук “Покрау” фольклор ансамбле ел саен "Питрау" Республика керәшен мәдәнияте бәйрәмендә уңышлы чыгыш ясый.

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: