Туганайлар

Виталий Агаповка авылдашлары рәхмәт белдерә

Зәй районы Сәвәләй авылыннан Ләйлә Сабаева редакциябезгә хат юллаган

Арулармысез, хөрмәтле газета. 1 июнь көнне безнен Сәвәләй авылы клубында искиткеч грандиоз тамаша булды. Авылыбызга концерт белән Татарстанның халык артисты, якташыбыз Виталий Агапов кайткан иде. Концерт хәтирәләргә һәм хис-кичерешләргә бик бай булды: җырлатты да, елатты да. Без, Сәвәләй халкы, авылыбыздан шундый легендар шәхес чыкканга бик нык горурланабыз, хөрмәт итәбез. Керәшен халкын бөтен дөньяга танытканы өчен, яраткан карендәшебезгә бик зур рәхмәт әйтәбез. 1 июнь Виталий Васильевичнын туган көне дә иде. Аны тагы бер кат гомер бәйрәме белән котлап, исәнлек-саулык, эшендә зур уңышлар, иҗат чишәсе беркайчан да саекмавын теләп калабыз. Тагын шулай матур очрашулар насыйп булсын. 

Ләйлә Сабаева,
Сәвәләй мәдәният йорты художество җитәкчесе

Нравится
Поделиться:
Реклама
Комментарии (0)
Осталось символов: