Туганайлар

Винера Ганиевага мәрхүм иренең фотоларын алып куярга киңәш иткәннәр

Инстачылар җырчыга сабырлык теләп комментарийлар калдырган

Татарстанның һәм Россиянең халык артисты Винера Ганиева ире белән бергә төшкән фотоларын күрсәтте. Фотолар рамкага куелган, күпчелегендә алар икесе бергә, аерым гына төшкәннәре дә бар.

Җырчының виртуаль дусларының берсе фотоларны җыеп куярга киңәш иткән. «Гел күз алдында торгач елыйсы килеп тора», — дигән инстачы.

«Дөрес әйтәсез, без мөселман кешеләренә фотолар куярга кушмыйлар бит. Һәркем үзенчә инде. Кыен вакытларда шулар белән сөйләшеп утырасың бит», — дип хуплаган икенчесе.

«Юк, дусларым, фотоларны беркая да җыеп куймыйм. Алар барысы да урынында. Дөрес булмас ул, йөрәктән алып ташлаган кебек була бит ул, берәр җиргә яшереп куйсаң», — дип җавап биргән Винера ханым.

«Гафу итегез инде болай язганга. Мин иптәшем фотоларына карый алмыйм, бөтен дөньям айкалып китә. Искә төшерәм дә елыйм. Шуңа күрә барысын да тартмага тутырып җыеп куйдым. Аңа багышлап догалар укыйм», — дип киңәш биргән ханым.

«Фотоларына карап, догалар укып юанам», — дигән икенче ялгыз калган ханым.

«Бик дөрес кызлар. Мин дә Камилемә догаларымны багышлыйм, күз яшьләрем дә аны онытмавымны, яратуымны, сагынуымны анлата», — дип язган җырчы.

Инстачылар Винера ханымга сабырлык теләгән: «Түзәргә кирәк, җаным. Иҗатыгыз саекмасын. Яратабыз, сокланабыз, сездәге сыйфатлар барлык хатын-кызларда да булсын иде».

Интертат

 

Керәшен дөньясындагы яңалыкларны ВКонтакте, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: