Туганайлар

Сәвәләйдә инвалидлар өчен бәйрәм үткәрделәр

Зәй районы Сәвәләй авылында физик мөмкинлекләре чикләнгән авылдашларга концерт куйдылар

1993 елдан 3 декабрь Халыкара инвалидлар көне итеп билгеләнеп уза. Әлеге дата белән бәйле рәвештә декабрь башын инвалидлар декадасы итеп үткәрү традициягә керде. Без дә, Сәвәләй мәдәният йорты хезмәткәрләре, бу традициядән читтә калмадык. Инвалидлар турында без еш кына мөмкинлекләре чикле кешеләр, дип әйтәбез. Ләкин алар арасында физик мөмкинлекләре чикле булса да, рух һәм йөрәк ныклыгы, ихтыяр көче күп булган кешеләр бар. Без дә үзегезгә кунакка физик мөмкинлекләре чикләнгән авылдашларыбызны чакырдык. Авыл җирлеге башлыгы Пётр Уразайкин аларга чын күңеленнән изге теләкләр теләде, тормыш авырлыкларына бирешмәскә өндәде. Бәйрәм барышында матур җырлар җырланылды, шигырьләр сөйләнде. Ахырдан барырбыз да бергәләп чәй эчтек.

Лейла Сабаева

Нравится
Поделиться:
Реклама
Комментарии (0)
Осталось символов: