Туганайлар

“Нур”лар Новгородка җыена

Балык Бистәсе районы Казаклар Чаллысы авылында күп еллар эшләп килүче "Нур" халык фольклор ансамбле Питрау узуга Түбән Новгород якларына җыена. 25 июль көнне Новгородта милли бәйрәм - Сабантуй уздырыла. Анда Татарстаннан да бик күп артистлар, үзешчәннәр катнашуы көтелә. Россиякүләм Сабантуйларда ансамбльнең әле катнашканы юк, бу аларның беренче тапкыр чит регионга...

Балык Бистәсе районы Казаклар Чаллысы авылында күп еллар эшләп килүче "Нур" халык фольклор ансамбле Питрау узуга Түбән Новгород якларына җыена.

25 июль көнне Новгородта милли бәйрәм - Сабантуй уздырыла. Анда Татарстаннан да бик күп артистлар, үзешчәннәр катнашуы көтелә. Россиякүләм Сабантуйларда ансамбльнең әле катнашканы юк, бу аларның беренче тапкыр чит регионга чыгулары.

"Читкә чыгу бик җаваплы нәрсә. Юлда йөреп ияләнгән булсак та, бераз борчылабыз. Керәшен җырларын чит регионнарга да ишеттереп кайту мөмкинлеге булуга бик шатланабыз. Бер күреп, җырларыбызны ишеткәннәр тиз генә оныта алмас. Чит җирләр күреп, үзеңне күрсәтә алу менә дигән мөмкинлек бит ул Сабантуйлар!" - дип сөенечләре белән уртаклашты ансамбль җитәкчесе Валентина Ефимова.

Хәерле юл сезгә, карендәшләр!

Нравится
Поделиться:
Реклама
Комментарии (0)
Осталось символов: