Туганайлар

Никифорово җирлеге язга чыкты

Соңгы сигез ел эчендә Никифорово авыл җирелегендә үзара салым акчасына зур эшләр башкарылган

Шул еллар эчендә Чия башы (Никифорово) һәм Сәртек авылларында барлыгы 2 мең 286 метр озынлыктагы юл ремонтланган. Сәртек авылында зират койма (240 метр озынлыкта)  белән әйләндереп алынган. Ике авылда да урамдагы электр баганалары утлары алыштырылган; пожарный гидрантлар куелган; су башнялары койма белән әйләндереп алынган. Сәртектәге Метәүкә чишмәсе ремонтланып павильон ясалган. Чия башында чишмәнең тирә-ягы яңартып төзекләндерелгән. Тау урамы юлы буена электр баганалары утыртылып, өстәмә урам утлары көйләнгән.

Ә быел үзара салым акчасына Чия башында – Карл Маркс урамы, ә Сәртектә Муса Җәлил урамы юлларын ремонтларга җыеналар. Никифоровода чиркәү ремонты дәвам иттереләчәк. Үзара салым буларак, халыктан барлыгы 208 мең 250 сум акча җыелырга тиеш: Чия башында яшәүчеләрдән – 152 мең 150 сум, ә Сәртек кешеләреннән – 56 мең 100 сум. Бу акчага дәүләттән тиешле субсидия (833 мең сум) өстәләчәк.

Җирлек башлыгы Сергей Степанов әйтүенчә, Чия башындагы фельдшер-акушерлык пункты белән мәктәп арасында киләчәктә ял паркы булачак. Ул тирәләрне агач-куаклардан чистартып тигезләп куйганнар инде. Җирлек депутаты Рәсүл Садриев инициативасы белән, скандинавиячә йөрү өчен юл-тротуар ясау уйлары да юк түгел.

Мамадыш-Теләче юлының авыл халкы күптәннән көткән алты чакрым озынлыгындагы участогында инде ремонт башланган. Анысы 2023 елга тулысынча төгәлләнергә тиеш. Шулай ук, Ишки ягына да юл булачак.

 

Керәшен дөньясындагы яңалыкларны ВКонтакте, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: