Туганайлар

Әниегезгә бүләк ясагыз

"ТАТМЕДИА" акционерлык җәмгыяте "Подписка бүләк ит" акциясен башлап җибәргән иде. Инде шактый карендәшләребез бу акциягә актив катнашып киткәндер дип ышанабыз.

Якыннарыгызның, күршеләрегезнең туган көннәренә, юбилейларына, гаилә бәйрәмнәренә, Яңа елга бердәнбер керәшен гәҗите - "Туганайлар"ны яздырып бүләк итсәгез, яңа сан килгән саен, сезгә рәхмәт укырлар.

27 ноябрь - Әниләр көне якынлаша. "Подписка бүләк ит" акциясенә кушылып, сөекле әниләрегезгә, әбиләрегезгә 2017 елның беренче яртыеллыгына "Туганайлар"ны һәм башка гәҗит-журналларга подписка эшләп бирсәгез, алты ай буена сезгә рәхмәт әйтеп, яраткан басмаларын укырлар.

Бу өлкәдә өлгерлек күрсәткән карендәшләребез дә бар инде. Зәй шәһәреннән Николай Токранов, Казаков, Түбән Камадан Тамара Баһаветдинова, Казаннан Валерий Иванов, Александр Бәширов, Чаллыдан Александр Васильев, Александр Андров, Альберт Петровлар - бу игелекле эшне беренчеләрдән булып башкардылар. Үз якыннарын гына түгел, авылдашларын, керәшен хәрәкәте ветераннарын да подпискалы иттеләр . Башкаларны да алар үрнәгендәге гамәлләргә чакырабыз.

Хөрмәт белән сезнең "Туганайлар"ыгыз

Нравится
Поделиться:
Реклама
Комментарии (0)
Осталось символов: