Туганайлар

Машинада төн кунган чакларым да булды

Марс Макаровның кызы Иделия Майамида яши

Иделия гадәти булмаган җырлары, татар эстрадасына ятрак тоелган ачык киемнәре белән күпләрне шаккатырган иде. “Яшьләр тукталышы” тапшыруын алып барды ул. Инде ун елдан артык Иделия Марс Америкада яши. Үзе әйтмешли, традиция буенча, һәр җәй бер ай тирәсе Казанда торып китә. Бу кайтуында без дә аның белән күрештек. Эчкерсез, гади, тыйнак, чибәр ул.
— Иделия, син — танылган композитор Марс Макаровның кызы. Псевдоним алуың әтиеңнең исеме белән бәйлеме?
— Әйе, әтием истәлегенә аның исемен псевдоним итеп алдым. Ул бик йомшак кеше иде. Мине һәрчак аңлады, кино артисты булырга киңәш итте, терәгебез иде. Урыны җәннәттә булсын...
— Америка сине нәрсәсе белән җәлеп итте?
— Майамида яшим. Казанны да яратам, әмма Майамида җәннәт кебек. Чөнки һәрчак җәй, кояш. Җылыны яратам бит. Климаттан тыш, анда ирекле яшәргә мөмкин. Казанда чакта беренче тапкыр сәхнәгә, экранга чыга башлагач, әти-әниемә шалтыратып әйтүчеләр дә булды. Янәсе, кызыгызны дөрес тәрбияләгез. Хәзер альтернатив музыкага Татарстанда да тыныч карыйлар. Бу юнәлештә актив эшләүчеләр җитәрлек...
— Чит җирдә бөтен нәрсәгә үз көчең белән ирешергә туры килгән. Авыр чаклар булдымы?
— Баштарак булды. Акчасыз калган вакытларым, хәтта машинада төн кунган чакларым бар иде. Океан ярына барып, туйганчы елый идем. Барысын да ташлап кире кайтыйммы икән, дигән уйлар да булды, әмма бирешмәдем. Шөкер, үз дигәнемә ирештем.
— Хәзер тормышың җайландымы?
— Әйе, Аллага шөкер. “Chevrolet Camaro” маркалы спорт машинасында йөрим. Торагымда уңайлы шартлар тудырылган. Мин — ирекле кеше. Теләгәнчә киенәм, дусларым бар...
— Син кияүдәме?
— Әйе...
— Киләчәккә планнар корасыңмы?
— Юк, якын арада булачак планнарымны күзаллыйм. Ә киләчәгемне бер Алла белә. Хәзерге көн белән яшим. Үзем булып калырга тырышам. Теләгәндә елыйм, телим икән елмаям. Ихласлылыкны яратам.
Эльвира МОЗАФФАРОВА

фото һәм материал https://vk.com/irekmaydani  сайтыннан алынды

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: