Туганайлар

Клара Булатованың шигырьләре уй-хискә, моңга бай булкуы белән күңелне җәлеп итә

Күпсанлы шигырь китаплары һәм җырлар авторы Клара Булатова иҗатынан берничә шигырь тәкъдим итәбез

Кышкы җыр...

 

Юл үтә яп-якты кырлардан,

Кайларга сузыла бу юллар?

Ашкынып соңлаган юлчыдай.

Каядыр атыла йолдызлар.

 

Атылган йолдызлар югала,

Билгесез киңлеккә чакырып.

Ә безнең маяклы юлларда —

Яңа ел китергән яктылык.

 

Ашыгып “җиңги” димәсен...

 

Көянтәләрем алам да

Чиләкләремне тагам,

Чиләкләремне тагам да

Инешкә суга барам,

 

Мин үтәм, үтәм урамнан.

Үләнгә чык түгелгән,

Ах, нигә үтә су юлы

Сезнең капка төбеннән.

 

Үткәндә шушы турыдан

Битләрем уттай яна.

Җитмәсә, артымнан энең

“Җиңги” дип үртәп кала.

 

Ашыгып “җиңги” димәсен:

Тый әле шул энеңне.

Читен бит алай дигәчтен.

Үзе шундый күңелле.

 

Үзе шундый күңелле дә

Тик... иртәрәк түгелме?

Кодалар әле күренми,

Килерләр берәр заман.

Көянтәләрем алам да

Чиләкләремне тагам.

 

 

Керәшен дөньясындагы яңалыкларны ВКонтакте, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: