Кичәгә килегез!

5 ноябрьгә кадәр Казан Кремленең "Хәзинә" галереясында "Көньяк Урал нагайбәкләренең мәдәнияте" дип исемләнгән күргәзмә эшли. Анда Чиләбе өлкәсенең Чибәркүл һәм Нагайбак районнарында яшәүче карендәшләребез тарихына, мәдәниятенә һәм көнкүрешенә багышланган, борынгы экспонатлар, элеккеге фотографияләр, кызыклы мәгълүматлар күрсәтелгән. Сентябрь аенда тантаналы рәвештә ачылган бу күргәзмә казанлылар арасында популяр.

19 октябрь көнне республика керәшен иҗтимагый оешмасы күргәзмә залында нагайбәкләргә багышланган кичә уздыра. Чарага җәмәгать эшлеклеләре, тарих, сәнгать белгечләре, фольклор ансамбльләр һәм яшьләр чакырулы. Кичәгә теләге булган бар кеше килә ала.