Туганайлар

Җырлы-моңлы керәшен

Керәшен халык җырулары

Шомырт чәчкәләре әй, коелган,

Тегермән алларына җыелган.

Никләр җырламамын берәр җыру,

Җыен туган бергә җыелган.

Кабан урамнары озын урам,

Уртасыннан бүләрлек булам.

Белмисез, туганай, хәлләремне,

Сезнең өчен үләрлек булам.

Кабан урамнары озын урам,

Уртасыннан ага гөрләвек.

Сез туганнар белән бер утыргач,

Күгәрченнәр кебек гөрләдек.

Бакылдыйдыр үрдәк, әй, бакылдый,

Бакылдамас иде таш атсак.

Безне  әтекәйләр бәхилләмәс,

Берләр беребезне ташлашсак. 

Зәй районы Кабан-Бастрык авылыннан А.А.Краснова язып җибәрде

 

 

Нравится
Поделиться:
Реклама
Комментарии (0)
Осталось символов: