Туганайлар

Җыр кешенең юлдашы

Җилләтми томан ачылмый, Җырламый күңел ачылмый

Шаян такмаклар

Челтерәп аккан чишмәләрдән

Кашык белән су эчтем,

Әллә өнем, әллә төшем,

Сезнең белән күрештем.

 

Безнең ындыр артларында

Яшел чирәмнәр тездән,

Мөмкин булса бер минут та

Аерылмас идем сездән.

 

Сары матур, сары матур,

Сары матур каерга.

Ай белән кояшлар түгел,

Бергә килеп баерга.

 

Их, дускаем, гармуныңны

Ал тасмалар белән ас,

Карама кеше сүзенә,

Мин баскан эзләргә бас.

 

Аклы ситсы күлмәгеңнең

Якасын уясы бар,

Битләреңдә кояш уйный,

Ай гына куясы бар.

 

Буйларыбыз тигез түгел,

Ирем бик озын кеше,

Озын кеше, теле төче,

Куены очтымак эче.

Нравится
Поделиться:
Реклама
Комментарии (0)
Осталось символов: