Сукачы

Äйдя, бея, кузгал! Тиз-тиз ӓйдя!

Бетерейек жирне кюлемгя.

Кюгяӱенняр чыкса, мыны шяйля,

Тӧйӧн тӧшяр кюҥелгя.

Кӧн бик эссе. Но-о, дим! Жага,

Сука жиҥел, элдер тиз-тизряк.

Кӧн кыздыра, коя шут кюк жана.

Ашлыкларга жаҥгыр бик киряк…

Байта кэш эшлядек, кюб калмады:

Дюрт-биш ӓйлянеӱдя бетядер.

Тагы беряр сагят сукаласак,

Жиҥгяҥ без кайтыуны кӧтядер.

Сука беткян кӧн диб мине сыйлар,

Жаҥа жазган майын ашатыр.

Сиҥа да ул бӧгӧн бютян карар,

Онно кюбряк сибеб болгатыр.

Жяйляр имен булыб, иген уҥса,

Тамак сыйлы булыр синеҥ дя.

Ындыр тулы очло кибян булса,

Эчкя жылы керер минем дя.

Но-о, уган мал, ӓйдя! Но-о жагадан!

Äйдя, тырыш, – кайткач сыйлармын:

Башагыҥны ашаб бетергячтен,

Бер тубалчык соло салырмын.

Давид Григорьев