Онотмоймон…

Онотмоймон…

Унбиш жыллаб ауылымнан

Айырылыб торсамда,

Онотмоймон жяшел кырны

– Ӓлдя тора алдымда.

Ӓня анда чишмя сыуы

Таш аралый челтерей:

Сыунын ике жакларында

Гӧдря таллар жилбердей.

Иртя белян, таҥ алдыннан,

Койаш чыга башлагач,

Гӧдря таллар арасында

Чулт, чулт итя сандугач.

Томан чормаб алган кюлнен

Утра тирян жирендя,

Уйнашалар кыр казлары

Кӧмӧш сыунын ӧстӧндя.

Зипа камыш арасында

Бак-бак итя ӱрдякляр;

Ӓрямяляр эчлярендя

Моҥнашалар кюкеляр.

Киҥ болоннон ӧстлярендя

Тулкыннана чячякляр,

Жак-жагына сыгла-сыгла

Чалгычыны кӧтяляр…

Ӓ син ӓле сабый бала,

Кармак салыб кюлляргя,

Чуртаннарны, чабакларны

Алдалыйсыҥ ипейгя…

Житя жяйляр, печян ӧстӧ

– Печян чаба башлыйлар,

Чабкан ӱлян кибеб беткяч,

Боголларга ташыйлар.

Ӓ син ӓле жяш багытны,

Тырма тотоб кулыҥа,

Атаҥ биргян кюбялярне 

Тюмгяклейсеҥ арбага.

Бигряк матур тӧнняр белян

Öйгя печян ташыуы…

Тыныч кырны жаҥгратадыр

Дюрт тягярмяч жырыуы...

Онотолмой бу багытлар:

Печян ӧстӧ, ураклар.

Короч кармак тешлярендя

Жалтыраучы балыклар.

Шунныктан да жяшел кырлар,

Киҥ жилкяле болоннар,

Жяш багытны бяйляб

Жырлыймын мин жырыулар!..

                                                       Саурышныкы

                                 “Киҥяш” газите, 1929 жыл 8 март, № 9 (212)

Фото: Pixabay.com