Мәләнчек киеп, яулык бәйләу мастер-классы – Видео

Валентина Петровна баш киеме элементларын үзе дә тегә. Гаҗәеп мәләнчекләрне ул Мамадыш районы Дүсмәт авылы “Җиңгәчәйләр” халык ансамбле җыручыларына да әзерләгән. Әлеге авыл хатыннарының “баш бәйләү” рәвеше мондыйрак булган: иң әүвәл хатын кеше башына түгәрәк калаклы мәләнчек кигән, аннан соң чигәчә бәйләгән һәм өстән ефәк чукол япкан.

“Җиңгәчәйләр” ансамбле баш киемнәрен ошаткан. “Мәләнчек киеп, яулыкны күтәреп бәйләгәч, үзебезне бай хатыннары, я булмаса, патшабикәгә охшатабыз. Төрле чараларга баргач, чит кешеләрнең безгә карап соклануын сизәбез ”, - дип елмаялар җыручылар.

"Җиңгәчәйләр" халык ансамбле

Видеоязмада Валентина Петровна мәләнчек киеп, яулык бәйләргә өйрәтә.